Hand To MouthAgent Sasco (Assassin)

[Intro]
Paycheck, check, check, check, check
Well it's another one
Me just get mi paycheck, and me a wait fi the other one
Versatile, Agent Sasco
Hear me nuh, woii

[Chorus]
Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth...

[Verse 1]
Me get pay pon Friday...
And by Saturday it's like me don't know where that deh
But no feel say me squander mi money
Me work too hard fi it fi take it and dash 'way
A long time me no save
Gone are the days when me coulda have a thing stash 'way
Me lose big outta track Monday, so me nah go back deh
Me haffi try something else
Get mi pay, me pray fi Jah bless it
All kinda way me try stretch it
Me try pick three, but me never yet catch it
All the lotto, me haffi lef' it
And I don't waan break the law
One of mi friend tell me fi try partner
But, the same week when me get mi draw
Mi hand gone back a mi jaw

[Chorus]
Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth...

[Verse 2]
Last night was a fault night
And likkle more so, you hear say me and the boss fight
About six week wages him owe me and come a tell man story
But story can't put food pon mi table
Story can't put on back mi cable
So, bossman keep your fable
You know say mi life unstable
Hear me nuh
Me owe one months rent and me haffi pay half
Me couldn't pay light so that haffi stay off
Me have whole heap more bills fi clear off
The six week thing just throw me way off
Lord, me pray me no get laid off (woii)
'Cause if me get laid off me coulda try theif
And end up inna prison like Bernard Madoff

[Chorus]
Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth...

[Verse 3]
Granny say, "How water walk go a pumpkin"
But, me waan ask you something
A weh the money walk gone when a month end?
Me waan some tire and me waan fix mi front end
Water commission dem take me fi fool
How mi bill heavy so and me nuh have pool?
Lord, between this and the light bill, the youth dem cyan go a school

[Chorus]
Hand to mouth
As me get the money, it done!
And it feel like next month end nah go come
As me get the money, it done, it done, it done, it done

[Outro]
Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth...