Country BusAgent Sasco (Assassin)

[Intro]
Hello?
Hey follow me now
Hey follow me now
Hey watch ya
Hey!

[Chorus]
Seh mi deh pon a country bus a come a town
Mi cyaa remember when last mi go a town
Mi hear a nuff likkle hustling a run a town
Suh mi a, head fi the big city

Yeah mi deh pon a country bus a come a town
Mi hear seh whole a the pretty girl dem deh down a town
Mi would a love fi get a daughter or a son a town
So mi a head fi the big city

[Verse 1]
Mi hold a window seat wid mi paper, mi a read and a come in
The driver just a flash it and a speed, and a come in
Then him stop out a cane peace
Pick up a fatty, wooy!
Inna her false hair a weave and a come in
Mi see a rasta man a roll up all him weed, and a come in
Mi see the market people load up and a lean, and a come in
The bus stop again, a man hop on dem seh a funny man
Mi swear blind is a comedian a come in

[Repeat Chorus]

[Verse 2]
Well every other district we pass mi see cow a eat grass
Goat a walk up and down like dem lost
The trouble maker conductor, see a cane man and a ask
If, "a true seh jelly man dem have the sharpest glass"
School pickney a bawl and a seh dem late fi class
Granny a bawl seh the driver drive too fast
And everybody inna di bus, start cuss
So why the last time the driver stop him never buy the gas

[Repeat Chorus]

[Bridge]
Hey watch ya
I hear that the city don't sleep, there is
No goat, no cow, no sheep, oh
And I hear seh, the city don't cheap
And mi hear seh a every night state show keep, lawd!
I love to see the city lights, yes
All the people and all the pretty lights
A dream of one day I'll see myself sitting on the flights (city life)
But right now

[Repeat Chorus]